News News

የእስራኤል የቴክኖሎጂ የልህቀት ማዕከል በማቋቋም የቴክኖሎጂ እውቀት ሸግግር ለማድረግ እየተሰራ ነው፡፡

የእስራኤል የቴክኖሎጂ የልህቀት ማዕከል በማቋቋም የቴክኖሎጂ እውቀት ሸግግር ለማድረግ እየተሰራ ነው፡፡
እስራኤል በጠቅላይ ሚኒስትር አብይ አህመድ ጉብኝት ወቅት ለመደገፍ ቃል የገባቻቸው ፕሮጀክቶች ወደ ተግባር ለመግባት በሚቻልበት ጉዳይ ዙሪያ ውይይት ተካሂዷል፡፡  
በኢትዮጵያ የእስራኤል አምባሳደር ራፋኤል ሞራቭ የተመራ ልኡክ በቴክኖሎጂ የተደገፈ የመስኖ ልማት እና የአሳ እርባታ በተለያዩ አካባቢዎች ተግባራዊ ለማድረግ የሚያስችላቸውን ውይይት አድርገዋል፡፡


የእስራኤል የቴክኖሎጂ የልህቀት ማዕከል በማቋቋም ከቴክኒክና ሙያ ማሰልጠኛ ተቋማት ጋር በማስተሳሰር  የቴክኖሎጂና የእውቀት ሸግግር ለማድረግ እንደሚሰራ የኢኖቬሽንና ቴክኖሎጂ ሚኒስትር ዴኤታ ጀማል በከር ተናግረዋል፡፡
በቴክኖሎጂ የተደገፈ የስራ እድልና ሃብት ለመፍጠር ኢትዮጵያ ልዩ ትኩረት  ሰጥታ እየሰራች መሆኑን ተናግረዋል፡፡
እስራኤል ከዚህ ቀደም በቴክኖሎጂ የተደገፈ የአሳ ሃብት ልማት፤ የበረሃማ ቦታዎች ልማት፤ የበይነ መረብ ደህንነትና ለቴክኖሎጂ ፈጣሪዎች ምቹ ከባቢያዊ ሁኔታን በመፍጠር ድጋፍ ለማድረግ ቃል መግባቷ ይታወሳል፡፡
እስራኤል በበረሃማ ቦታዎች ልማትና በትንሽ ቦታ ሰፊ የአሳ እርባታን በማከናወን ሰፊ ልምድ ያላት ሀገር በመሆኗ ሰርቶ ማሳያ በማከናወን ለኢትዮጵያ ለማስረከብ እንቅስቃሴ ተጀምሯል፡፡ 
በሰርቶ ማሳያው መሰረት የኢትዮጵያ መንግስት የማስፋፋቱን ስራ ይሰራል፡፡ 
ፕሮጀክቱ በእስራኤል መንግስስት፣ የኢኖቬሽንና ቴክሎጂ ሚኒስቴር፣ የግብርና ሚኒስቴርና ሌሎች የሚመለከታው አካላት ትብብር ወደ ተግባር የሚገባ ነው፡፡


News Archive News Archive