News News

​ኢትዮጵያ የኒውክሌር ቴክኖሎጂን ለጤና፣ ለግብርናና ለመንገድ ስራ የዜጎችን ደህንነት በጠበቀ መልኩ እየተጠቀመችበት ነው፡፡

ኢትዮጵያ የኒውክሌር ቴክኖሎጂን ለጤና፣ ለግብርናና ለመንገድ ስራ የዜጎችን ደህንነት በጠበቀ መልኩ እየተጠቀመችበት ነው፡፡
ቴክኖሎጂውን ጥቅም ላይ ከማዋል ጎን ለጎን የህብረተሰብ ደህንነትን መጠበቅ ላይ ቅድሚያ ሰጥታ እየሰራች መሆኑ ተነግሯል፡፡
ሀገራት የኒውክሌር ቴክኖሎጂን ለሰላማዊ ጥቅም ለማዋል የገቡትን ቃል እንዴት እያከበሩ ነው በሚለው ላይ ትኩረቱን ያደረገው መድረክ በአዲስ አበባ ሲካሄድ ቆይቶ ተጠናቋል፡፡
ቴክኖሎጂው ጥቅም ላይ ሲውል ቁጥጥር እና አሰሳ ለማድረግ የሚያስችል የፖሊሲ ማሻሻያ፤ለሰላማዊ ጥቅም ሲውልም የዜጎችን ደህንነት እንዴት መጠበቅ አለበት የሚለውም የመድረኩ አካል ነበር፡፡
በመድረኩ ሀገራት የኒውክሌር ቴክኖሎጂን ጥቅም ላይ ሲያውሉ ለሰላማዊ ጥቅም ብቻ እያዋሉት ስለመሆኑ ቅኝት የሚያደርግ ቡድን ሲመጣ እንዴት መረጃ መስጠት እንደሚቻል የተመለከቱ ጉዳዮችም ተነስተውበታል፡፡


የኢኖቬሽንና ቴክኖሎጂ ሚኒስቴር ዴኤታ ጀማል በከር ኢትዮጵያ በፈረመችው ውል መሰረት የኒውክሌር ቴክሎጂን የዜጎችን ደህንነት በጠበቀ መልኩ ለሰላማዊ ጥቅም ብቻ እያዋላችው መሆኑን ተናግረዋል፡፡
የኢትዮጵያ ጨረራ መከላከል ባለስልጣን ዋና ዳይሬክተር ሰለሞን ጌታቸው ቴክኖሎጂውን ለካንስር ህክምና፤ ለቆላ ዝንብ ማምከኛ እና ለመንገድ ስራ በአግባቡ እየተጠቀመችበት መሆኑን ተናግረዋል፡፡
ኢትዮጵያ ቴክኖሎጂው ወደ ሀገር ውስጥ ሲገባ ጉዳት እንዳያስከትል የቁጥጥር ስራ የሚሰራ የጨረራ መከላከያ ቀድማ ማቋቋሟ ለጉዳዩ የሰጠችውን ትኩረት ማሳያ ነውም ብለዋል፡፡
ኢትዮጵያ የኒውክሌር ቴክኖሎጂን በግብርና ዘርፍ የቆላ ዝምብን ለማምከን፤ በህክምና ለካንሰር ህክምና፣ ለግንባታው ዘርፍ የመንገድ ጥቅጥቃትን ለመለካት እየተጠቀመችበት ነው፡፡
ቴክሎጂው ለማዕድን ፍለጋና ለሃይል ምንጭነትም ጥቅም ላይ ይውላል፡፡
ኢትዮጵያ የአለም አቀፉ የአቶሚክ ኢንርጂ ኤጀንሲ አባል ሀገር መሆኗ ይታወቃል፡፡
በመደርኩ ከተለያዩ ሀገራት የመጡ ባለሙዎች ተሳትፈውበታል፡፡


Archive news Archive news