News News

​የኢኖቬሽንና ቴክኖሎጂ ሚኒስቴር ለኢትዮጵያ የልብ ህሙማን መርጃ ማዕከል የዘረጋውን ዘመናዊ የህክምና አስተዳደር ስርዓት አስመርቆ አስረከበ፡፡

የኢኖቬሽንና ቴክኖሎጂ ሚኒስቴር ለኢትዮጵያ የልብ ህሙማን መርጃ ማዕከል የዘረጋውን ዘመናዊ የህክምና አስተዳደር ስርዓት አስመርቆ አስረከበ፡፡
ዘመናዊ የህክምና አስተዳደር ስርዓቱ የታካሚዎችን መረጃ ዲጂታይዝ በሆነ መልኩ የሚይዝና የወረቀት ካርድ አሰራርን የሚያስቀር ነው፡፡
አንድ ታካሚ የሚሰጠው ዘመናዊ ካርድ በሆስፒታሉ በሚገኙ ሁሉም ኮምፒውተሮች ላይ ሊነበብ የሚችል የታካሚ  መረጃን እንዲይዝ ተደርጎ ስርዓቱ በተዘረጋባቸው ሆስፒታሎች ሁሉ መገለገል የሚስችለው ነው፡፡
ዘመናዊ የህክምና አስተዳደር ስርዓቱን የኢኖቬሽንና ቴክኖሎጂ ሚኒስቴር በነፃ ዘርግቶ ለማዕከሉ አስረከቧል፡፡
በምረቃ ስነ-ስርዓቱ ላይ የኢኖቬሽንና ቴክኖሎጂ ሚኒስትሩ ጌታሁን መኩሪያ (ዶ/ር ኢንጂ.) ስርዓቱ የጤናውን ዘርፍ ለማዘመን የሚደረገው ጥረት አንዱ አካል መሆኑን ተናግረዋል፡፡
የተዘረጋው መተግበሪያ ከውጭ ሀገር ቢገዛ ከፍተኛ ገንዘብ ይጠይቅ ነበር ያሉት ሚኒስትሩ በሀገር ውስጥ አቅም የዳበረ መተግበሪያ በልፅጎ ወደ ስራ መግባቱ የውጭ ምንዛሬ ወጪን ከመቀነስ ጀምሮ ዘርፈ ብዙ ጥቅም እንዳለው አብራርተዋል፡፡
የማዕከሉ የቦርድ ሰብሳቢ ሰይፈዲን ከሊፋ ሚኒስቴሩ የህፃናትን ልብ በመጠገን ስራ ውስጥ ላደረገው ድጋፍ ምስጋናቸውን አቅርበዋል፡፡
ዘመናዊ የህክምና አስተዳደር ስርዓቱ የታካሚዎችን የህክምና እርካታ ለማሳደግ፣ የሃኪሞችን እንግልት ለመቀነስ፣ የመረጃ መጥፋትን ለመከላከል፣ የተደራጀ መረጃ ለመያዝ እንዲሁም ጥናትና ምርምር ለማድረግ ከፍተኛ አስተዋፅኦ ያደርጋል፡፡
ሶፍትዌሩ በሀገር ውስጥ ባለሙያዎች መበልፀጉና መዘርጋቱ የውጭ ምንዛሬ፣ አመታዊ እድሳትና የባለሙያ ችግሮች የሚሉትን የሚያስቀር ነው፡፡
ማንኛውም የህክምና ተቋም ስርዓቱን ዘርጉልኝ ብሎ ቢጠይቅ መስሪያ ቤታቸው በነፃ ለመዘርጋት ዝግጁ መሆኑን የኢኖቬሽንና ቴክሎጂ ሚኒስትሩ ጌታሁን መኩሪያ (ዶ/ር ኢንጂ.) ተናግረዋል፡፡

Archive news Archive news