News News

የኢትዮ- ህንድ የኢኖቬሽንና ቴክኖሎጂ ገበያ ትስስር ስራ በይፋ ተጀመረ፡፡

የኢትዮ- ህንድ የኢኖቬሽንና ቴክኖሎጂ ገበያ ትስስር ስራ በይፋ ተጀመረ፡፡
ትስስሩ የኢትዮጵያና የህንድ የንግድና የፈጠራ ስራ ባለሙያዎች የሽርክና ውል በመፍጠር በኢትዮጵያ ውስጥ እንዲሰሩ ለማድረግ የተዘጋጀ ነው፡፡
በህንድ በኩል በሀገሪቱ ወደ ስራ የገቡና ከፍተኛ እንቅስቃሴ እያደረጉ ያሉ ተቋማትና ግለሰቦች ስራዎቻውን ወደ ኢትዮጵያ ይዘው መጥተው ማስተዋወቅ ጀምረዋል፡፡
በኢትዮጵያ በኩል 98 የኢኖቬሽንና ቴክኖሎጂ ፈጠራዎች የተመረጡ ሲሆን ከህንድ የፈጠራ ስራዎችና ባለሙያዎች ጋር ጥምረት ለመፍጠር የሚያችስላቸውን መረጣ እያደረጉ ነው፡፡
መድረኩን የከፈቱት የኢኖቬሽንና ቴክኖሎጂ ሚኒስትሩ ጌታሁን መኩሪያ (ዶ/ር ኢንጂ.) በህንድ ሀገር የለሙና ስራ ላይ ውለው ውጤት ያመጡ ቴክኖሎጂዎችን ለኢትዮጵያ ተስማሚ በሚሆን መልኩ ስራ ላይ እንዲውሉ ማድረግ ኢትዮጵያ ለጀመረችው የዲጂታል ኢኮኖሚ ግንባታ ትልቅ አስተዋፅኦ ያደርጋል ብለዋል፡፡
ለስራ እድል ፈጠራና ለቴክኖሎጂ የእውቀት ሽግግርም አይነተኛ ሚና እንደሚጫወት አብራርተዋል፡፡
በኢትዮጵያ የህንድ አምባሳደር አኑራንግ ስትራቫስታቫ ፕሮግራሙ የኢትዮጵያንና የህንድን ግንኙነት በኢኖቬሽንና ቴክኖሎጂ ዘርፍ ለማጠናከር ያግዛል ብለዋል፡፡
የኢትዮ- ህንድ የኢኖቬሽንና ቴክኖሎጂ ገበያ ትስስር መድረክ ሳምንቱን ሙሉ የሚቆይ ሲሆን ተቀራራቢ የቴክሎጂና የፈጠራ ስራ ያላቸው በጋራ እንዲሰሩ የመረጣና የማገናኘት ስራ ይከናወናል፡፡

Archive news Archive news