News News

​እስራኤል ኢትዮጵያ የጀመረችውን ምቹ የኢኖቬሽን ከባቢያዊ ሁኔታን የመፍጠር ስራን እደግፋለሁ አለች፡፡

እስራኤል ኢትዮጵያ የጀመረችውን ምቹ የኢኖቬሽን ከባቢያዊ ሁኔታን የመፍጠር ስራን እደግፋለሁ አለች፡፡
በኢትዮጵያ የእሰራኤል አምባሳደር ራፋኤል ሞራቭ የተመራና ከተለያዩ ተቋማት የተወከሉ ልኡካን ከኢኖቬሽንና ቴክኖሎጂ ሚኒስትር ዴኤታ ጀማል በከር ጋር በጉዳዩ ዙሪያ መክረዋል፡፡
እስራኤል የምትታወቅበትን በቴክኖሎጂ የተደገፈ የመስኖ ስራ ልምድ ለኢትዮጵያ ለማካፈልና ለስራው የሚያገለግሉ የቴክኖሎጂ ውጤቶችን በኢትዮጵያ ለማምረት ፍላጎት እንዳላት አምባሳደሩ አብራርተዋል፡፡
በግብርና ውጤቶች ማቀነባበር ዘርፍና በሰው ሃይል አቅም ግንባታም እስራኤል ድጋፍ አደርጋለሁ ብላለች፡፡
ገበያ ተኮርና መንግስት የሚፈልጋቸው ምርምሮች እንዲሰሩ የግል ዘርፉ የምርምር ተቋማትና እና የመንግስት የምርምር ተቋማት በቅንጅት የሚሰሩበት አሰራር እንዲዘረጋም ማድረግ ሌላኛው የድጋፉ አካል ነው፡፡
መንግስት የቴክኖሎጂ ምርቶች ላይ ያደረገው የታክስ ማሻሻያ በልኡካኑ ቡድኑ የተመሰገነ ተግባር ሆኗል፡፡
የኢኖቬሽንና ቴክኖሎጂ ሚኒስትር ዴኤታው ጀማል በከር ምቹ የኢኖቬሽን ከባቢያዊ ሁኔታን ለመፍጠር በሚደረገው ጥረት ውስጥ እስራኤል ለምታደርገው ድጋፍ ምስጋናቸውን አቅርበዋል፡፡

Archive news Archive news