News News

​በቴክኖሎጂ የተደገፈ የተቀናጀ የእንስሳት ሃብት ልማት በኦሮምያ ክልል ሊጀመር ነው፡፡

በቴክኖሎጂ የተደገፈ የተቀናጀ የእንስሳት ሃብት ልማት በኦሮምያ ክልል ሊጀመር ነው፡፡
የኢኖቬሽንና ቴክኖሎጂ ሚኒስቴር፣ የኦሮምያ ብሄራዊ ክልላዊ መንግስትና የመቱ ዩኒቨርሲቲ ፕሮጀክቱን በጋራ መስራት የሚያስችላቸውን የሶስትዮሽ ስምምነት ተፈራርመዋል፡፡
በምዕራብ ኦሮሚያ ቡኖ በደሌ፣ ኢሊባቡር፣ ጅማ እና ምስራቅ ወለጋ  ዞኖች ተግባራዊ የሚደረገው ይህ ፕሮጀክት የወተት ልማት፣ የእንስሳት መኖ ዝግጅት፣ የእንስሳት ማዳቀል እና የስጋ ምርት ላይ ትኩረቱን ያደረገ ነው፡፡
በቀጣይ በክልሉ ሁሉም ዞኖች ተግባራዊ የሚደረግ ሲሆን ፕሮጀክቱን ከኢንደስትሪዎች ጋር የማስተሳሰር ስራም ይሰራል ተብሏል፡፡
ሰፊ የእንስሳት ሃብት ያለው የኦሮምያ ክልል የሃብቱን ያክል ተጠቃሚ አይደለም ያሉት በምክትል ርዕሰ መስተዳድር ማዕረግ የገጠር ልማት ሴክተር ኃላፊ ግርማ አመንቴ (ዶ/ር) ይህንን ችግር ለመቅረፍ በቅንጅት መስራት ይጠይቃል ብለዋል፡፡
የኢኖቬሽንና ቴክኖሎጂ ሚኒስትሩ ጌታሁን መኩሪያ (ዶ/ር ኢንጂ.) የእንስሳት ህብት ልማትን በቴክኖሎጂ በመደገፍ አርሶ አደሩ ከሃብቱ ተጠቃሚ እንዲሆን ከማድረግ ባለፈ ለወጣቶች የሥራ እድል ለመፍጠር በትኩረት መስራት እንሚጠይቅ ተናግረዋል፡፡
የእንስሳት ሃብት ልማት የቴክኖሎጂ ክፍተቱን ለመሙላት የኢኖቬሽንና ቴክኖሎጂ ሚኒስቴር እየሰራ መሆኑንም ጠቁመዋል፡፡
ፕሮጀክቱን በክልሉ ተግባራዊ ለማድረግ ጥሬ እቃ፣ ቦታና አምራች የሰው ሃይል መኖሩ ምቹ ሁኔታዎች ተብለዋል፡፡
ወደ ስራ ሲገባ ለ35 ሺ ወጣቶች የስራ እድል ይፈጥራል ተብሎ ይጠበቃል፡፡
ስምምነቱ የኢኖቬሽንና ቴክኖሎጂ ሚኒስትር ጌታሁን መኩሪያ (ዶ/ር ኢንጂ.) ፣ በምክትል ርዕሰመስተዳድር ማዕረግ የኦሮምያ ብሄራዊ ክልላዊ መንግስት የገጠር ልማት ሴክተር ሃላፊ ግርማ አመንቴ (ዶ/ር) የመቱ ዩኒቨርሲቲ ፕሬዝዳንት ተካልኝ ቀጄላ (ዶ/ር) ስምምነቱን ተፈራርመዋል፡፡ 
ፕሮጀክቱ በትግራይ ክልል ተግባራዊ ሆኖ የተሻለ ውጤት የተመዘገበበት ሲሆን፣ በቅርቡ በሶማሌ ክልል ወደ ስራ መግባት የሚያስችል ስምምነት ተፈርሞ ወደ ስራ ተግብቷል፡፡ 
በቀጣይ በሌሎች ክልሎችም ተግባራዊ ይደረጋል፡፡

Archive news Archive news