News News

​ኢትዮጵያ እና አስራኤል በኢትዮጵያ ምቹ የኢኖቬሽን ከባቢ ሁኔታን ለመፍጠር የሚያስችላቸውን የጋራ ኮሚቴ ሊያዋቅሩ ነው፡፡

ኢትዮጵያ እና አስራኤል በኢትዮጵያ ምቹ የኢኖቬሽን ከባቢ ሁኔታን ለመፍጠር የሚያስችላቸውን የጋራ ኮሚቴ ሊያዋቅሩ ነው፡፡
የኢኖቬሽንና ቴክኖሎጂ ሚኒስትር ዴኤታ ጀማል በከር ከእስራኤል የሳይንስና ቴክኖሎጂ ሚኒስቴር ዋና ሳይንቲስት ፕሮፌሰር አሌክሳንደር ብሊግህ ጋር በኢትዮጵያ የተመቻቸ የኢኖቬሽን ከባቢ ሁኔታን መፍጠር በሚቻልበት ሁኔታ ላይ በእስራኤል ሀገር መክረዋል፡፡
ምክክራቸው ኢትዮጵያ ቅድሚያ በምትሰጣቸው በቴክኖሎጂ የተደገፈ ግብርና፣ ጤና፣ የውሃ ሃብት አስተዳደር፣ የሃይል ልማት፣ ጥናትና ምርምር እንዲሁም የዩኒቨርሲቲ ኢንደስትሪ ትስስር ላይ እስራኤል ያላትን የካበተ ልምድ ለኢትዮጵያ ማጋራት በምትችልባቸው ሁኔታዎች ላይ ያተኮረ ነው፡፡
ሁለቱ ሀገራት ይህንን ስራ መስራት እንዲያስችላቸው የጋራ ኮሚቴ በማቋቋም ታህሳስ ወር ላይ  ወደ ስራ መግባት የሚያስችላቸውን ምክክር ያደርጋሉ፡፡
የኢኖቬሽንና ቴክኖሎጂ ሚኒስትር ዴኤታ ጀማል በከር ኢትዮጵያ በተለይ እስራኤል በሰፊው የምትታወቅበትን በቴክኖሎጂ የተደገፈ የመስኖ ስራ ሰፊ ልምድ በመቅሰም ለወጣቶቿ ሰፊ የስራ እድል መፍጠር እንደምትፈልግ አብራርተዋል፡፡

Archive news Archive news