ታህሳስ 17/2011 በአሰሪና ሰራተኛ ግንኙነት ላይ ያተኮረ ጉባዔ እየተካሄደ ነው

በአሰሪና ሰራተኛ ግንኙነት ላይ የሚያተኩር ሀገር አቀፍ ጉባኤ በዛሬው ዕለት  በአዲስ አበባ እየተካሄደ ይገኛል።

የሰራተኛና ማህራዊ ጉዳይ ሚኒስቴር ያዘጋጀው ይህ ጉባኤ‹‹የኢንዱስትሪ ሰላም ለአካታችና ዘላቂ ልማት›› በሚል መሪ ቃል እየተካሄደ ይገኛል።

በጉባኤው ምክትል ጠቅላይ ሚኒስትር ደመቀ መኮንንን ጨምሮ ሌሎች ከፍተኛ የመንግስት ሀላፊዎች ተሳትፈዋል።

ጉባኤው በአሰሪና ሰራተኛ ግንኙነት ዙሪያ እያጋጠሙ ያሉ ችግሮችና መፍትሄዎቻቸው ላይ የሚያተኩር  መሆኑን የሰራተኛና ማህራዊ ጉዳይ ሚኒስቴር አስታውቋል ፡፡

ጉባኤው በነገው ዕለትም ቀጥሎ የሚካሄድ ሲሆን፥ በሀገሪቱ የሚገኙ የአሠሪና ሠራተኛ አደረጃጀቶች፣ የከፍተኛ ትምህርት ተቋማት፣ በሥራው ዓለም ላይ የተሠማሩ ባለድርሻ አካላትን ጨምሮ ከ5ዐዐ በላይ ሰዎች መሳተፋቸው ተገልጿል።

       ኤፍ.ቢ.ሲ


ዜናዎች እና ለውጦች ዜናዎች እና ለውጦች