News News

​ኢትዮጵያ በ2012 ዓ.ም 3ሚሊየን የስራ እድል ለመፍጠር በያዘችው እቅድ ውስጥ የቴክኖሎጂ የስራ እድል ፈጠራ ትልቁን ድርሻ እንዲይዝ እየተሰራ ነው።

ኢትዮጵያ በ2012 ዓ.ም 3ሚሊየን የስራ እድል ለመፍጠር በያዘችው እቅድ ውስጥ የቴክኖሎጂ የስራ እድል ፈጠራ ትልቁን ድርሻ እንዲይዝ እየተሰራ ነው።
የአፍሪካ የኢኖቬሽን ሳምንት ከጥቅምት 17 እስከ 23/2012 በአዲስ አበባ ይካሄፋል።
የኢኖቬሽንና ቴክኖሎጂ ሚኒስቴር አይ ቢ ኤ ኢትዮጵያ የአፍሪካ ህብረትና የኖረዌይ ኢንባሲ ሳምንቱን የተመለከተ መግለጫ ሰጥተዋል። 
የኢኖቬሽን ሳምንቱ የአፍሪካ የቴክኒሎጂ ፈጣሪዎችን ከኢንቨስተሮች ጋር በማስተዋወቅ ወደ ስራ የሚገቡበትን ምቹ ሁኔታ መፍጠርን ታሳቢ ያደረገ ነው።
የኢኖቪሽንና ቴክኖሎጂ ሚኒስትር ዴኤታ አህመድን መሃመድ (ዶ/ር) ኢትዮጵያ በ2012 ዓ.ም 3ሚሊየን የስራ እድል ለመፍጠር በያዘችው እቅድ ውስጥ የቴክኖሎጂ የስራ እድል ፈጠራ ትልቁን ድርሻ እንዲይዝ እየተሰራ መሆኑን ተናግረዋል። 
የግሉ ዘርፍ የቴክኖሎጂ ድርጅቶች ከራሳቸው አልፈው ለሌሎች የስራ እድል እንዲፈጥሩ መስራት አላባቸው ያሉት ሚኒስትር ዴኤታው ለዚህ መንግስት አስፈላጊው ድጋፍ ያደርጋል ብለዋል።
የአይ ቢ ኢትዮዽያ የበላይ ጠባቂ የቀድሞው ጠቅላይ ሚኒስትር ሃይለማርያም ደሳለኝ የኢትዮጵያ ብሎም የአፍሪካ የቴክኖሎጂ ፈጣሪዎችን ውጤታማ ከሆኑ ባላሃብቶች ጋር ለማገናኘት የኢኖቬሽን ሳምንቱ እንደ ድልድይ ሆና ያገለግላል ብለዋል። 
የኢኖቬሽን ሳምንቱ ከጥቅምት 17 እስከ ጥቅምት 23/2011 በአዱስ አበባ ይካሄዳል።
በሳምንቱ ከመላው አፍሪካ የተውጣጡ ከ150 በላይ የቴክኖሎጂ የስራ ፈጣሪዎች ስራዎቻቸውን ይቀርባሉ። 
የአፍሪካ ባለሃብቶችም በሳምንቱ ተገኝተው ወደ ስራ ሊገቡ የሚችሉ ፈጠራዎችን እንዲመርጡና ወደ ስራ እንዲያስገቧቸው አጋጣሚውን ይፈጥራል።
አፍሪካውያን የቴክኖሎጂ ፈጣሪዎች ፈጠራዎቻቸውን ወደ ስራ ለማስገባት የገንዘብ ችግር ይገጥማቸዋል። 
ባለሃብቶችም በቴክኖሎጂ ዘርፍ ሃብታቸውን አያፈሱም የሚሉ ወቀሳዎች ይሰነዘራሉ። 
የቴክኖሎጂ ሳምንቱ ይህንን ክፍተት ይሞላል ተብሎ ይጠበቃል።

Archive news Archive news