News News

Back

ሰኔ 24፣ 2010 ዓ.ም ኢትዮጵያ በአይሲቲ ዘርፍ መድረስ ከሚገባት ደረጃ ላይ ለመገኘት የግሉን ዘርፍ ዓይነተኛ ሚና እንዳለዉ ተገለፀ::

" ኢትዮጵያ በአይሲቲ ዘርፍ መድረስ ከሚገባት ደረጃ ላይ ለመገኘት የግሉን ዘርፍ ዓይነተኛ ሚና እንዳለዉ ተገለፀ:: " እየተካሄደ ባለዉ ሁለተኛዉ ዓለም አቀፍ የአይሲቲ ኤክስፖ ኢትዮጵያ ላይ የጎንዩሽ ዉይይቶችና ምክሮች ቀጥለዋል፡፡ ሰኔ 24፣ 2010 ዓ.ም ከስዓት በኋላ ከግሉ ዘርፍ አይሲቲ አካላት ጋር የዉይይትና የምክክር መድረክ ተካሂዷል፡፡
ሀገራችን ለማስመዝገብ ካሰብችዉ ሁሉን አቀፍ ልማት ዉስጥ አይሲቲ የሁሉ ነገር ማጠንጠኛና ጊዜዉ የሚጠይቀዉ ዘርፍ ነዉ፡፡ ከዘርፉ ማግኘት የሚገባን ግልጋሎት ለማግኘትና የልማቱ ዋና አንቀሳቃሽነቱን እንዲወጣ የመንግስት ሚና እንደተጠበቀ ሆኖ የግሉ ዘርፍ ትልቅ ሚና ሊጫወት እንደሚገባ ተጠቁሟል፡፡
በአይሲቲ ትልቅ ደረጃ ላይ የደረሱ ሀገራት ተሞክሮ እንደሚያሳየዉ በቴክኖሎጂዉ ዘርፍ ዋነኛዉ ተዋናይ የግሉ ዘርፍ ነዉ፡፡ በአንዳንድ ሀገራትም ከመንግስትም በላይ ጉልህ ሚና ወስዶ ለአጠቃላይ ሀገራዊ እድገት የአንበሳዉን ድርሻ ይዞ ይገኛል፡፡በእኛም ሀገር ለግሉ ዘርፍ ዕድገት ምቹ ምህዳሮችን በመፍጠር እየመጡ ያሉ ዉጤቶች መልካም የሚባሉ ቢሆኑም ተግዳሮቶችም ብዙ መሆናቸዉ በመድረኩ ላይ ተነስቷል፡፡
በዚህ የዉይይት መድረክ ላይ የግሉ የአይሲቲ ዘርፍ ድርጅት አመራሮች፣ባለሙያዎችና ተጋባዥ እንግዶች የተገኙ ሲሆን "Private Sector Development" በሚል ርዕስ በአቶ ባልቻ ሬባ የስታንዳርድና ሬጉሌሽን ዳይሬክቶሬት ዳይሬክትር ገለፃ ቀርቦ በችግሮችና ቀጣይ መደረግ በሚገባቸዉ አቅጣጫዎች ዙሪያ በክቡር አቶ ሲሳይ ቶላ፣የልማት ዘርፍ ሚኒስትር ዴኤታ እና ክቡር ዶ/ር መብራቱ ገብረማርያም፣የሬጉላቶሪ ዘርፍ ሚኒስትር ዴኤታ የተመራ ሰፊ ዉይይት ተደርጓል፡፡

Average (1 Vote)


No comments yet. Be the first.

News Archive News Archive