News News

Back

ሰኔ 24፣ 2010 ዓ.ም የመገናኛና ኢንፎርሜሽን ቴክኖሎጂዎች በመንግስት ተቋማት ያላቸዉን አተገባበርን በተመለከተ ዉይይት ተካሄደ፡፡

የመንግስት ተቋማት የመገናኛና ኢንፎርሜሽን ቴክኖሎጂዎችን በመጠቀም እየሰሩ ስላሏቸዉ ተግባራት፣ያጋጠሙ ችግሮችና መፍትሄዎችን በተመለከተ ዉይይት ተካሄደ ፡፡
በመገናኛና ኢንፎርሜሽን ቴክኖሎጂ ሚኒስቴር አዘጋጅነት በትናንትናዉ ዕለት ​ሰኔ 23፣ 2010 ዓ.ም የተከፈተዉን ሁለተኛዉን ዓለም አቀፍ የአይሲቲ ኤክስፖ ኢትዮጵያ መሰረት አድርጎ የሁነቱ አንድ አካል የሆነዉ ከመንግስት ተቋማት ጋር የሚካሄደዉ ዉይይት በሚሊኒየም አዳራሽ ተካሂዷል፡፡ በዉይይቱ ላይ የመንግስት ተቋማት ሀላፊዎች፣የተቋማት የአይሲቲ ዘርፍ አመራሮችና ባለሙያዎች ተሳትፈዋል፡፡
በመድረኩ ላይ ክቡር አቶ ሲሳይ ቶላ በመገናኛና ኢንፎርሜሽን ቴክኖሎጂ ሚኒስቴር የልማት ዘርፍ ሚኒስትር ድኤታ የመክፈቻ ንግግር ያደረጉ ሲሆን የመድረኩን ዓላማ፣ የሚጠበቀዉን ዉጤትና ወደፊት በጋራ ለመስራት መግባበት ላይ የሚደረስበት መድረክ እንደሚሆን ገልፀዉ በዚሁ አጋጣሚ ተሳታፊዎች ኤክስፖዉን በመጎብኘት ከዉጭ ሀገራትና ከሀገር ዉስጥ የዘርፉ አካላት ተሞክሮዎች እንዲወሰዱ ጋብዘዋል፡፡
በመቀጠልም የኤሌክትሮኒክስ አገልግሎቶች አተገባበር፣ያጋጠሙ ችግሮችንና የወደፊት አቅጣጫዎችን አስመለክቶ በዶ/ር አብዮት ባዩ የኤሌክትሮኒክስ መንግስት ዳይሬክቶሬት ዳይሬክተር ገለፃ ቀርቧል፡፡ በገለፃዉ ላይ ክቡር አቶ ሲሳይ ቶላ፣የልማት ዘርፍ ሚኒስትር ዴኤታ እና ክቡር ዶ/ር መብራቱ ገብረማርያም፣የሬጉላቶሪ ዘርፍ ሚኒስትር ዴኤታ የተመራ ዉይይት ተካሂዷል፡፡



No comments yet. Be the first.

News News