News News

​የአፍሪካ የበይነመረብ ነፃነት መድረክ (Forum on Internet Freedom in Africa) በኢትዮጵያ ሊካሄድ ነው፡፡

የአፍሪካ የበይነመረብ ነፃነት መድረክ (Forum on Internet Freedom in Africa) በኢትዮጵያ ሊካሄድ ነው፡፡
የኢኖቬሽንና ቴክኖሎጂ ሚኒስቴር ‹‹የበይነ-መረብ ፖሊሲ ትብብር ለምስራቅና ደቡብ አፍሪካ›› ጋር በመተባባር ነው መድረኩን የሚያዘጋጀው፡፡
መድረኩም ከመስከረም 12 እስከ 15/2012 ዓ.ም በአዲስ አበባ ይካሄዳል፡፡
ቀኑ በኢትዮጵያ እንዲከበር የተወሰነው ኢትዮጵያ ለኢንተርኔት ነፃነት መከበር በሰጠችው ልዩ ትኩረት ነው፡፡
የቴሌኮም ዘርፉን ለግሉ ዘርፍ ክፍት ማድረጓ፤ ለአስርት አመታት ተዘግተው የነበሩ የተለያዩ ድረገፆች መለቀቃቸው፤ ፀሃፊያንና የበይነ-መረብ አምደኞች፣ የማህበረሰብ አንቂዎች በነፃነት እንዲፅፉ መደረጉ መድረኩ በኢትዮጵያ እንዲከበር አድርጓል፡፡
ከዚህ በተጨማሪ ኢትዮጵያ የዲጂታል ኢኮኖሚ ግንባታን ለማፋጠን፣ አዳዲስ ቴክኖሎጂዎችን ጥቅም ላይ ለማዋል እያደረገችው ያለው እንቅስቃሴ ለመመረጧ ሌላኛው ምክንያት ነው፡፡
የበይነ-መረብ ፎረሙ መካሄድ የአፍሪካ ሀገራት የሚስተዋልባቸውን የበይነመረብ ነፃነት ችግሮች ለመለየትና ለመፍታት ምክረ-ሃሳቦችን እንዲያገኙበት ታስቦ ነው፡፡
ፎረሙ ለፖሊሲ አውጪዎች፣ የመንግስት ተወካዮች፣ ብዙሃን መገናኛ ድርጅቶችና የሰብዓዊ መብት ተሟጋቾች የተመቻቸ መድረክን በመፍጠር የበይነመረብ ነፃነት ላይ ያለውን የአፍሪካ ችግር ለመቅረፍ ግብአት ይገኝበታል ተብሎ ይጠበቃል፡፡

Archive news Archive news